Śląsko wyliczanka

Momy nowo wyliczanka
Wolisz krupniok czy kaszanka
Czy kiełbasa zamiast wosztu
Czy z bradrury czy tyż z rusztu
A jak lubisz jeść to bardzo
Wolisz z zymftym czy z musztardom.

Momy nowo wyliczanka
Bratkartofle, zapiekanka
Momy drachy co furgajom
I latawce co latajom.
Miast kolejek momy raje
Zamiast bójek momy haje.

Momy nowo wyliczanka
Szolka to jest filiżanka
A cukierki to bombony
Szac zaś to jest narzeczony
Narzeczono to jest lipsta
Skrzynka piwa to jest kista.

Momy nowo wyliczanka
Nasze nudle to krajanka
Wyście w domu my som doma
Nasza babcia to jest oma
Kero piere mi koszula
A napisoł to Makula.