Moja Mamulko...
Mamulko we Twojich łoczach
łodbijoł sie promiyń słońca
keryn jak krzidła Janioła
budzioł kwiotki na łonkach
Mamulko we Twojich łoczach
widzałach konszczyczek nieba
ciepły jak Twoji rynce
dobry jak sznita chleba
Mamulko we Twojich łoczach
colutki świat sie śmioł
nie straszne mi staraniy
łod kerych łep łosiwioł
Mamulko we Twojich łoczach
widziałach pszocio tela
żebyś nim mogła łobdzielić
nie yno mje a dziecek wiela
Toż Ci dziynkuja Mamulko
za te pszajonce łoczy
kere mje kludzom bez życi
jak światło gwiozdki w nocy....