(9)
Na Tusty szczwortek
Ludzie, ludzie szczwortek momy,
nie tyn zwykły ale tusty,
baby piekom fory krepli
na bok idom dzisiej woszty.
Kaj yno sie niy łobejrzisz
coż to sie wyrobio w świecie,
tam sie do nas kreple śmiejom
czy w cukierni czy markecie.
Rozmajite zorty kuszom
ze pudingiym z marmeladom,
do wyboru do koloru
jydzcie kreple jo wom padom.
Bo we środa popielcowo,
krepla już niy dostaniecie
yno chlyb ze suchom skorkom
szolkom wody popijecie.
