(0)
Tukej familok,a tukej klopsztanga, Przy kery w środa bydzie balanga. Bo kożdy czeko na świniobicie. Bydzie darmowe jodło i picie. Wszystkie się zicnom sam przy chlewiku I na ławeczce,i na zydliku. Sam przyjdzie Gryjtka z synkiym Acikiym, Kery galoty mo ze lajbikiym. Bydzie tyż Agnys z ujkiym Lyjokiym, Co majom pole za familokiym. Potym moplikiym przyjedzie Zefel (Kamraty mianujom go "Mały Knefel") Ino co karlus fest z niego szfarny, Bezto lotają durch za nim panny. I kozdo chce go za kawalera, Bezto przyleci Hilda i Fela. Na placu bajtli tyż bydzie kupa, Ino poczują pyszno wusztzupa. Jo tyż się skosztuja gorkiego żymloka. A może dostana i konsek krupnioka? Dyc smaka wielkiego mom na lyberka, No i poczekom tyż na łoplerka. I na som koniec zjym się preswuszta. A do dom zaniesa się lyberwuszta. Potym na ławce kole chlewika Do nocy słychac bydzie muzyka, Kej wszyscy śpiewac bydom pieśniczka Do najlepszego masarza Karliczka. Nieskorzy jeszcze ta ło starzyku, Ło jego ptokach i gołymbniku. Do naszych tatulków ło fedrowaniu I do mamulek ło biglowaniu. A kej pojemy i pośpiywomy, W dobrych humorach do dom wracomy. I dugo spominac bydymy balanga, Tyn nasz familok i staro klopsztanga. Kaj som te czasy-te świniobicie? Kaj się straciło to downe życie? Takiego placu już chyba ni ma? Dobrze że momy takie wspomniynia .....
mondia 2009-02-24
Na klopsztandze to zowdy żech kobelitki robiyła....jak żech dziołchą była ....kiecki w góra poleciały ale kiery by wtedy na to zwrocoł uwaga hi hi ....hyntnie bych na ta balanga kiele chlywika przyszła ...o kurde ale żech sie rozmażyła .....dziynkuja Ci moja Hanysiu za te wspominki ....a wusztu trocha sie ugryza i kropelką tyż niy pogardza...:):)
jolkas 2009-02-24
...jedli.....pili.....i tańczyli....wesoło było.....jutro głowę popiołem posypią......:)))
adacc 2009-02-24
Hanysiu miej litość przed snem takie widoki:))
Ja już o spaniu nie myślę a o kiełbasie:))
I zaraz muszę cosik sobie zrobić na ząb :))
Spokojnej nocy i cudownych snów życzę Ci....
Buziaki :)********
Dobranoc
nuna11 2009-02-25
.........ale mi narobiłaś smaka jak jo downo Francków niy jodł już czuja ta woń tych Fracków przez tyn monitor...........
Dobranoc spokojny nocy;):):>
wygorz 2009-02-25
Widzisz Ryniu, kandzi jeszcze świnie bijom...jyno możno niy genau w zopusty...A tyn wierszyk piyknie poskłodany! Musza Ci posłać taki jedyn, coch go na NK widzioł na koncie Tichau...
yorkieqs 2009-02-26
kule downo takiego wusztu zech niejadla ;)
stif56 2009-03-14
super.............:)
