(1)
Papierowa przedwojenna szopka Bożonarodzeniowa.Papierowe postacie podklejone do kartonika i przyklejone do drewnianej podstawki .Postacie ok.12 cm
Szopka znaleziona w Chorzowie -Batorym.
w zbiorach własnych
Ślonskie powinszowania
Eli na Ślonsku fajrowało się downij "sylwestra"? Niy za fest, bo piyrwy Ślonzoki na Godnie Świnta fajrowały łod Wilije aże do Trzech Kroli. Bestoż jak sie fajrowało cołke 13 dni, to "sylwester" niy boł przi tymu aże takom wielgom atrakcyjom. Choć ja, we "sylwestra" szło sie na wieczor do kościoła na zakończynie roku, zaś w nocy złonaczało sie jake błozny somsiodom. Kradło sie fortki abo wozy z placu i pociepowało kaj przi końcu wsie. A sfalało sie to na Stary Rok, kery na łodchodnym robi jake złośliwe wice. Nojbardzij jednak miyndzy Wilijom a Trzyma Krolami łaziyło sie na wysiady do familiantow i kamratow ze kolyndom. Śpiywało sie przi tymu kolyndy, kosztowało jak u kerego udały sie makowki abo kołocz i winszowało sie na Gody i na Nowy Rok. A te powinszowania boły roztomajte, ale nojczynścij godało sie jako tradycyjno lajera. Boło to nojczynścij tak: "Winszujymy Wom Szczynścio, Zdrowio, błogosławiyństwa Bożego łod Ponboczka miłego na tyn Nowy Rok, na powszystkie lata, póki żyć bydziecie, a po śmierci Królestwa Niybieskigo!". Potym zaś tyn łodbiyrajoncy powinszowania musioł łodpodzieć: "Dej Panie Boże!" zaś winszujoncy kończoł swoje winszowanie godajonc: "Amyn!".
A terozki werci się jeszcze spytać, co nojważniyjszego noleży na Nowy Rok powinszować Ślonzokom i Ślonskowi dzisioj? Bezmała nojbardzij trza powinszować siyły i mondroście we staraniu o wyzgerność ślonskij kultury. I żeby ślonskość niy dała sie zbamoncić, zamamlać i prziklackać roztomajtym politykom, kerzi chcom se Ślonsk zebrać za swe i wycyckać dlo tego swoigo pierońskigo politycznego fitulityngyszeftu. I na to se Ślonsk w Nowym Roku musi dać fest pozor. Amyn.
dodane na fotoforum:
